Deuteronomio 13:16-18

Ang Biblia (1978)

¹⁶ At iyong titipunin ang buong nasamsam doon, sa gitna ng lansangan niyaon, ^(A)at iyong susunugin sa apoy ang bayan, at ang buong nasamsam doon, na bawa't putol, ay sa Panginoon mong Dios; at ^(B)magiging isang bunton ng dumi magpakailan man; hindi na muling matatayo.

¹⁷ At ^(C)huwag kang magsasagi ng bagay na itinalaga sa iyong kamay: upang ^(D)talikdan ng Panginoon ang kabagsikan ng kaniyang galit, at pagpakitaan ka niya ng kaawaan, at mahabag sa iyo at paramihin ka, na ^(E)gaya ng isinumpa niya sa iyong mga magulang;

¹⁸ Pagka iyong didinggin ang tinig ng Panginoon mong Dios, ^(F)na iyong gaganapin ang lahat ng kaniyang mga utos na aking iniuutos sa iyo sa araw na ito, na iyong gagawin ang matuwid sa paningin ng Panginoon mong Dios.